Acto de lembranza no aniversario do pasamento de Bautista Álvarez
O vindeiro sábado, 15 de setembro, a Unión do Povo Galego realizará un acto de lembranza a Bautista Álvarez co gallo do primeiro aniversario do seu pasamento, para seguir expresando o recoñecemento a un home excepcional, a unha persoa que entregou a súa vida á causa da liberación nacional e social do povo galego e que o fixo con lucidez, con determinación e con coherencia até o final.
O acto desenvolverase a partir das 17:30 horas no Centro de Interpretación do castro de San Cibrao de Lás en San Amaro. E contará con intervencións políticas, recitais poéticas, actuacións musicais e proxección dun audiovisual que recolle a traxectoria vital e política de Bautista Álvarez baixo o programa seguinte:
-Introdución musical a cargo de Roberto Sobrado.
-Presentación do acto por parte de Montse Nóvoa, Secretaria de Zona da UPG.
-Intervencións poéticas con: Lois Diéguez, Marica Campo, Millán Picouto e Marta Dacosta.
-Proxección do audiovisual “Bautista Álvarez, patriota exemplar”.
-Actuación musical de Roberto Sobrado.
-Intervencións políticas:
Ana Pontón, Portavoz Nacional do BNG
Néstor Rego, Secretario Xeral da UPG.
-Canto do himno galego.
(A previsión é que o acto finalice ás 18:30 horas. Nel será distribuída unha edición impresa conmemortiva coa intervención de Bautista Álvarez no 50 aniversario da fundación da UPG).
