1º de maio. Avante a folga xeral galega.

Encaramos máis un 1º de maio, Día do Internacionalismo Proletario, nun contexto marcado pola continuada agresión contra a clase traballadora e o conxunto das clases populares da nosa nación. Un saqueo que, sob a coartada da crise capitalista, é perpetrado por parte dos gobernos da dereita españolista ao ditado da Unión Europea e dos intereses do grande capital. Vemos, pois, que a pesar de as cifras macroeconómicas daren algúns síntomas de recuperación, a economía real e, singularmente, as condicións materiais de vida e de traballo do noso pobo, non só non teñen mellorado senón que continúan a empeorar. Ao desemprego insoportábel, que provoca a expulsión por millares da nosa mocidade, acrecéntase unha brutal vaga de precarización das condicións laborais e o empobrecemento dos salarios. Fenómenos que se articulan e integran nunha estratexia xeral que ten por obxecto alargar o nivel de explotación da maioría do pobo para seguir aumentando os lucros dunha minoría, a cada vez máis rica e poderosa.

Ler máis

A UPG condena a perseguição política e o arbitrário e injusto encarceramento de Luiz Inácio Lula da Silva

Comunicado enviado ao Partido dos Trabalhadores do Brasil:

Caros camaradas:

A União do Povo Galego (UPG) condena a perseguição política e o arbitrário e injusto encarceramento de Luiz Inácio Lula da Silva e manifesta a plena solidariedade ao Partido dos Trabalhadores e ao conjunto das forças populares que, neste momento decisivo, lutam pela democracia e a soberania do Brasil.

Reiteramos a convicção de que a condenação sem provas do ex-Presidente Lula da Silva em julho de 2017 não corresponde a um ato de justiça mas ao objetivo de consolidar o golpe que afastou Dilma Rousseff da Presidência da República e à tentativa de o impedir de ser candidato nas próximas eleições presidenciais. A celeridade com que foi ditada a entrada em prisão de Lula confirma que se trata de um ato de perseguição política da pessoa que lidera o amplo movimento popular que representa as aspirações e as esperanças de transformação social, progresso e liberdade do povo brasileiro.

Do mesmo modo que está a acontecer no Brasil, na Galiza e no Estado espanhol sofremos a intervenção do poder judiciário ao serviço dos interesses políticos da classe dominante com o objetivo de manter o sistema, o seu poder e os seus privilégios. No caso da oligarquia espanhola também ao serviço da manutenção da opressão das nações que ainda fazemos parte deste Estado: a Galiza, a Catalunha e o País Basco. Para além da violação permanente e continuada de direitos e liberdades fundamentais, a amostra mais evidente do que já virou em verdadeiro estado de exceção é a perseguição do Presidente catalão, forçado a se exilar, e o encarceramento dos membros do seu Governo.

Assim pois, com a convicção de que solidariedade internacionalista não é apenas um dever, mas também uma necessidade para a defesa dos direitos e liberdades de todas as pessoas e de todos os povos, juntamos a voz dos comunistas e patriotas galegos da UPG a todas as vozes que por todo o Brasil e por toda a parte reclamam a liberdade de Lula. Aliás, com a certeza de que a determinação e firmeza do povo vão conseguir derrotar definitivamente o golpe, e restaurar a soberania e a democracia no Brasil, fazemos nossas as suas palavras: jamais poderão aprisionar os nossos sonhos. A vitória é certa!

 

Saudações fraternais.

 

Galiza; 8 de abril de 2018

Néstor Rego

Secretário-Geral

União do Povo Galego-UPG

En defensa da democracia e das liberdades, solidariedade con Cataluña

O ataque ás liberdades, ao dereito a decidir e á vontade democrática expresada polo povo catalán, que está a desenvolver o rexime político español por medio da intervención política (aplicación do artigo 155 da Constitución), policial e, sobre todo, xudicial, é non só gravísimo do punto de vista democrático senón unha ameaza evidente aos dereitos e liberdades de todas as persoas e dos povos.

Particularmente, no punto de mira do rexime está o nacionalismo antiimperialista, os movementos que loitamos pola liberación das nosas nacións. O que se persegue -e co que se quere acabar- é o cuestionamento do modelo de Estado unitario ‘autonómico’, centralista, autoritario e corrupto e a reivindicación do dereito de autodeterminación das nacións oprimidas por España.

Aliás, o que está a acontecer deixa máis en evidencia a actitude connivente da chamada esquerda española -obxectivamente cómplice do rexime- e confirma que o movemento soberanista é o único que realmente cuestiona o sistema político español saído da transición e da Constitución de 1978. Todo isto reafirma a certeza de que, se quixermos verdadeira liberdade e democracia real no noso País, o único camiño é a conquista da soberanía e da independencia nacional da Galiza.

Os últimos pasos do poder xudicial español, ao servizo dos intereses políticos do rexime e retorcendo mesmo a propia legalidade para perseguir o independentismo e humillar o povo catalán son especialmente graves. Por iso reclamamos a liberdade do Presidente Puigdemont e de tod@s @s pres@s polític@s cataláns e apelamos a unha reacción solidaria -mais tamén por interese propio como nación- do povo galego, de todas as persoas demócratas do noso País.

No inmediato, chamamos a asinar e difundir o Manifesto Basta xa!, que foi lanzado no pasado sábado reclamando o fin da represión e a liberdade de todas as persoas presas, así como a participar nas concentracións que convoque o nacionalismo ou Plataforma Galiza con Catalunya, da que o noso Partido fai parte.

Manifesto: “Basta xa!”

Como galegas e galegos, que sabemos moito de humillacións e de falta de respecto á nosa dignidade como pobo, manifestamos a nosa repulsa pola forma en que o Estado español está a tratar o pobo catalán, as súas institucións democráticas e os seus e as súas lexítimas representantes políticas.

Repudiamos, e sentímonos tamén ameazados e ameazadas, polo empeño do Estado español no recurso á represión en forma de embargos, procesos, cárcere e exilio como contestación á manifestación da vontade política do pobo catalán, expresada nas urnas, a favor dun referendo de autodeterminación, e, en todo caso, a favor da superación do marco autonómico.

Consideramos que se está perseguindo dirixentes da Cataluña polo único feito de expresaren libremente as súas ideas socialmente e na sede das institucións políticas constituídas democraticamente, conforme á legalidade e á lexitimidade que lles deu o pobo catalán, sen que en ningún momento cometesen por iso delitos de sedición e rebeldía. Avergoña e entristece a violencia institucional, xudicial e policial, que o Estado español, co Goberno á fronte, está empregando, impropias dun Estado minimamente democrático.

Basta xa!. Queremos a liberdade inmediata de todos os presos e presas políticas perseguidas e encarceradas polo simple feito de defenderen por métodos pacíficos que o pobo catalán existe e ten unha vontade política expresada democraticamente nas urnas, que debe ser respectada.

ASINAR O MANIFESTO

10 de marzo. Día da clase obreira galega

AVANTE O POBO TRABALLADOR GALEGO!

A crise capitalista e as políticas de saqueo, promovidas polo grande capital e executadas polos gobernos español e galego, en mans do Partido Popular, teñen provocado unha brutal precarización laboral, un desemprego insoportábel e o empobrecemento de salarios e de pensións públicas. Na Galiza estes efectos están agravados por causa do marco de dependencia colonial que padece o noso país. A merma produtiva, marcada polo devalar de sectores estratéxicos como as actividades industriais, a apropiación de materias primas e recursos (como o caso singular da xeración de enerxía eléctrica) ou a drenaxe do aforro galego através da privatización das caixas, confirman o impacto directo que nas condicións materiais de vida e de traballo ten a carencia de soberanía nacional. O pobo galego vese privado do dereito irrenunciábel a podermos vivir dignamente do noso traballo na propia Terra. Así o testemuña a emigración de máis de 180 mil mozos e mozas nos últimos anos. Ler máis

8 de marzo. Día internacional da muller traballadora.

Desde hai máis de un século, o 8 de marzo é unha xornada de reivindicación e loita das mulleres para exixir igualdade de dereitos. Mais nos últimos anos a conmemoración desta data está a tentar ser utilizada por parte do capitalismo de forma banal, comercializándoa, aproveitando para nos vender produtos, converténdoa nunha data de celebración e de felicitación estereotipada, para lle tentar tirar o carácter – que sempre tivo e continuará a ter- de combate e denuncia da situación de opresión e explotación das traballadoras, e da discriminación e violencia exercida contra as mulleres polo mero feito de o seren. Ler máis

Presentación pública de Vía Galega, Plataforma para a defensa dos dereitos nacionais da Galiza

Este sábado 3 de marzo en Compostela realizouse a presentación pública de Vía Galega. Plataforma en defensa dos dereitos nacionais da Galiza coincidindo co 162 aniversario do Banquete de Conxo. Máis de 200 persoas asistiron ao acto no que se explicou o propósito das mais de 50 entidades que forman a plataforma de se constituír nunha iniciativa social ampla e plural para traballar pola defensa dos intereses da Galiza e polo recoñecemento dos dereitos que como nación lle corresponden, entre eles o dereito de autodeterminación.

Somos unha nación. Temos dereitos. Fagamos ouvir a nosa voz é o título do manifesto de Vía Galega que foi repartido durante a presentación que foi conducida por Xurxo Souto, e contou coas intervencións de Suso Seixo (Fundación Moncho Reboiras), María Xosé Bravo (Galiza Cultura), Bruno Lopes Teixeiro (Fundación Artábria), Susana Méndez (CIG), María Bará (ERGUER) e Antón Laxe (Fundación Manuel María).

Explicouse que Vía Galega non pretende ocupar o espazo de ninguén e tamén non ten ningunha pretensión electoral, senón que nace para traballar para afortalar a conciencia nacional na sociedade galega e agrupar os esforzos para lograr que chegue a ser “socialmente maioriaria”.

Para alén da conformación como Plataforma integrada por entidades colectivas, Vía Galego incentiva tamén a adhesión individual, que é posíbel realizar através dun formulario na súa páxina web, viagalega.gal.