Número especial do “Guieiro” polo 40 aniversario da UMG

A Unión da Mocidade Galega, UMG,  presenta este 25 de xullo, Día da Patria Galega, a nova entrega do Guieiro: O caderno de opinión e debate da Unión da Mocidade Galega.

Desta volta ten a forma dun monográfico con motivo do 40 aniversario da fundación da nosa organización. Catro décadas pasaron desde aquel 14 e 15 de agosto de 1977 no que se celebrou o Congreso Constituínte da UMG, aflorando das análises e acordos do Partido de impulsar a autoorganización da mocidade galega. A UMG como escola de militantes comunistas nacionalistas tivo sempre o obxectivo de afortalar a Unión do Povo Galego e a de construír, crear e transformar, erguendo unha Galiza desde a base, a través do impulso do Movemento Xuvenil Nacionalista, un movemento plural, socialmente vivo, activo e incidente con presenza real entre a mocidade.

Animámosvos a recoller un exemplar no posto da UMG no Festigal o 25 de xullo!