A UPG xunto con máis de sesenta partidos comunistas e obreiros de todo o mundo asina unha Declaración de condena a Israel e apoio ao povo palestino
O texto da declaración, que foi iniciativa do Partido Comunista grego é o seguinte:
Declaración conxunta condenando o ataque asasino do exército israelí contra o povo de Palestina
Os Partidos Comunistas e Obreiros rexeitamos decididamente o ataque do exército israelí en territorios palestinos, na Franxa de Gaza, que provocou un verdadeiro masacre, asasinando a sangue frío a manifestantes desarmados, homes, mulleres e nenos.
A decisión provocadora do goberno de Trump de recoñecer a Xerusalén como a capital de Israel e trasladar alí a Embaixada dos Estados Unidos, en contra da protesta xeral internacional, desencadeou por completo a agresividade de Israel, que continúa a ocupación ilegal de territorios palestinos e continúa masacrando ao povo palestino.
Os gobernos dos países que asumen unha postura de distancias iguais, identificando á vítima co perpetrador do crime, teñen graves responsabilidades; a posición da Unión Europea, que emite un chamamento a “todos os lados para mostrar moderación” mentres se está producindo un masacre organizado do pobo palestino e a UE está a mellorar as súas relacións co Estado israelí, é inaceptábel.
Os Partidos Comunistas e Obreiros expresamos a nosa solidariedade e o noso apoio ao povo palestino e a súa xusta loita a favor do seu propio estado independente e soberano dentro das fronteiras de 1967, coa súa capital en Xerusalén Oriental. Esiximos o recoñecemento inmediato do estado palestino. Continuamos a nosa loita e chamamos aos povos a fortalecer as súas manifestacións para que cese a intervención militar asasina do exército israelí nos territorios palestinos e revogar a decisión dos EE. UU. de trasladar a súa embaixada en Xerusalén.