EN PRIMEIRA LIÑA, LOITANDO POLA SAÚDE, O TRABALLO E OS OUTROS DEREITOS DA CLASE TRABALLADORA E DOS POBOS
Cando se cumpre un ano da pandemia máis de 60 partidos comunista e obreiros de todo o mundo asinamos un comunicado conxunto en defensa da saúde e dos dereitos da clase traballadora e dos pobos. Ler máis →
Entre os días 25 de xaneiro e 2 de febreiro celébrase en Ha Noi o XIII Congreso Nacional do Partido Comunista do Vietnam, nun marco condicionado pola Covid-19 e que terá importantes repercusións no futuro, pero no caso de Vietnam hai que dicir que foron quen até o momento de adoptar medidas que que o levan a ser nestes momentos un dos países nos que a pandemia está a ter menores consecuencias na saúde da súa poboación e no seu desenvolvemento económico. Ler máis →
Máis de 40 organizacións políticas, sindicais e sociais do noso país veñen de facer público un manifesto de apoio ao pobo palestino, denunciando a actitude do estado español e da Unión Europea, que coa súa inacción son cómplices da actuación xenocida do estado de Israel. Ler máis →
Diante do proceso electoral que se desenvolverá en Venezuela o domingo día 6 de decembro para elixir unha nova Asemblea Nacional, a UPG quere manifestar o seu apoio ao povo venezolano que con toda seguridade dará un novo exemplo de civismo nun proceso electoral que é o número 25 desde 1998. Ler máis →
O pasado martes, cando participaban nunha mobilización en lembranza dunha importante mobilización en 1973 contra a ditadura fascista, militantes e dirixentes do Partido Comunista de Grecia foron brutalmente agredidos pola policía cun número importantes de manifestantes feridos e decenas de arrestados.
Transcribimos a nota de solidariedade enviada pola UPG AO KKE:
Ao Partido Comunista de Grecia
Camaradas:
Temos coñecemento do ataque inxustificado sufrido o 17 de novembro por militantes e dirixentes do seu partido, incluído o seu Secretario Xeral, con agresións e detencións cando participaban nunha mobilización conmemorativa dunha acción fundamental na loita do pobo grego contra o fascismo, o 47º aniversario da revolta no Politécnico.
Coa desculpa da pandemia tentan eliminar todas as disidencias e todos os actos reivindicativos, sabemos isto ben porque na Galiza as autoridades prohibiron varias mobilizacións de traballadores durante estes meses.
Transmitímoslles o noso apoio solidario e a nosa denuncia da brutal acción policial ordenada polo goberno da Nova Democracia, e animámolos a continuar firmes na loita.
Galiza; 19 de Novembro de 2020
Secretaría de Relacións Internacionais
Unión do Povo Galego-UPG
A actuación do exército marroquí onte día 13 de novembro contra civís saharauís supón un grave incumprimento dos acordos de paz, eleva a tensión entre os dous países e ataca directamente a integridade territorial da República Árabe Saharauí Democrática. Ler máis →
A Unión do Povo Galego felicita ao povo de Chile, á súa clase traballadora e ao conxunto das clases populares polo resultado do Plebiscito Constitucional realizado o pasado domingo; un resultado que permite iniciar o camiño cara á construción dunha verdadeira democracia deixando atrás o pinochetismo presente na actual constitución.
O resultado do domingo coa decisión de que a nova constitución saia dun proceso constituínte supón, utilizando as palabras de Salvador Allende, que se abriron as grandes alamedas e por elas transitan os homes e mulleres libres para construír unha sociedade mellor.
O 19 de outubro de 2019 o pobo dixo “Basta!”, iniciándose un período de mobilizacións contra as políticas neoliberais que son responsábeis das desigualdades e da miseria; mobilizacións que foron reprimidas duramente, regando de sangue as rúas. Pero esa represión non acovardou ao Chile digno que se enfrontara durante anos á sanguinaria ditadura de Pinochet. A mobilización intensificouse e o resultado do plebiscito é a resposta do pobo á represión e ao novo pinochetismo.
Desde Galiza animámolos a seguir dando pasos, para que a Constituínte represente os intereses das clases populares e poidan contar cunha nova Constitución que sirva de panca para acometer as transformacións democráticas, políticas e económicas necesarias para encarar a senda da soberanía plena, o progreso e a construción dunha sociedade máis xusta.
Saúdo enviado polo noso partido ao Partido Comunista do Chile-PCCh e ao Movemento de Esquerda Revolucionaria-MIR
A Unión do Povo Galego quere trasladar a súa felicitación ao povo de Bolivia, ás súas clases populares e aos pobos orixinarios polo gran resultado na eleccións presidenciais celebradas o pasado domingo; resultados que supoñen o triunfo en primeira volta do binomio do Movemento ao Socialismo-IPSP conformado por Luís Arce e David Choquehuanca, e a obtención da maioría nas dúas cámaras da Asemblea Lexislativa Plurinacional, candidaturas que contaban co apoio das distintas forzas progresistas e de esquerdas.
O regreso do MAS-IPSP ao goberno supón un duro golpe para unha extrema dereita, que no pasado mes de novembro tentou pola forza das armas poñer fin a un proceso político que encabezado por Evo Morales desde 2006 devolveu a capacidade de decisión sobre o seu futuro ao povo, mellorando as súas condicións de vida e rompendo coa dependencia dos intereses da oligarquía e do imperialismo.
Ábrese un novo período de gran ilusión no que será posíbel recuperar a senda da soberanía e o progreso, un período no que Bolivia precisa de seguir contando coa nosa solidariedade, pois o imperialismo recibiu un duro golpe pero manterá o seu empeño, e empregará todos os medios ao seu alcance para acabar co novo proceso que se abre.
Finalmente queremos reiterar ao MAIS-IPSP e ao PCB o noso apoio e disposición a estreitar a colaboración entre as nosas organizacións.
Compostela; 19 de outubro de 2020
Secretaría de Relacións Internacionais
Facemos pública unha Declaración Internacional de apoio aos povo dos Estados Unidos que neste momento conta co apoio de case 50 partidos comunistas de todo o mundo, entre eles a UPG.
Texto da declaración:
Os partidos comunistas e obreiros expresamos a nosa solidariedade coa clase obreira multinacional dos EUA e co povo norteamericano que se atopa nas rúas mobilizado contra o racismo, a represión, o desemprego e outros problemas agudos causados polo sistema de explotación capitalista.
O asasinato de George Floyd non é unha excepción, é a regra da política racista, contra afroamericanos, latinos, e migrantes doutras nacionalidades. Da mesma maneira enfróntase o sistema de explotación contra o conxunto da clase obreira, como o demostra a pandemia do Covid-19, que ten provocado xa máis de dous millóns de contaxios, e case 113,000 falecidos, onde moitas vidas puideron ser salvadas, pero un sistema de saúde privatizado resultou letal porque o seu criterio é a ganancia capitalista.
A pobreza, o desemprego, o ataque aos dereitos da clase traballadora, a política antinmigrante, a brutalidade policial, as agresións imperialistas a outros povos, a descomposición social con drogas, delincuencia…, demostran que o capitalismo é a barbarie, e que é necesario e actual o socialismo.
Os partidos comunistas e obreiros expresamos:
-A nosa condena do asasinato racista de George Floyd e apoio aos manifestantes, vítimas da política de represión da administración Trump.
-A nosa solidariedade cos traballadores e o pobo dos EEUU, que en todas as cidades se manifesta contra o racismo e a represión.
-A nosa solidariedade cos traballadores e o povo dos EEUU afectados pola COVID-19.
-A nosa condena á Administración Trump, responsábel en quenda da Casa Branca, que instrumentaliza campañas racistas, antimigrantes, xenófobas, anticomunistas. Condenamos o toque de queda e a patrullaxe da Garda Nacional, a detención e o asasinato de loitadores.
Which side are you on? Os partidos comunistas e obreiros xunto á clase traballadora e o povo norteamericano, contra o capitalismo e a barbarie.
Proletarios de todos os países, unídevos!
O listado de partidos asinantes pode consultarse en http://www.solidnet.org/article/CP-of-Mexico-Joint-Declaration-of-Solidarity-with-the-People-of-the-USA-proposed-by-CP-of-Canada-CP-USA-and-CP-of-Mexico/
A UPG divulga um Manifesto com motivo do 75º Aniversário da Vitória sobre o nazi-fascismo, assinado por 70 partidos comunistas e organizações progressistas dos cinco continentes; posicionamento conjunto que é iniciativa do Partido Comunista Português. Ler máis →
