Declaración común dos Partidos Comunistas e Obreiros condenando o continuo derramamento de sangue e a ocupación por parte de Israel
Asinada por 57 Partidos Comunistas e Obreiros de todo o mundo, entre eles a UPG, vén de facerse pública unha declaración en solidariedade co pobo palestino.
O texto da mesma é o seguinte:
Nós, os partidos comunistas e obreiros que subscribimos esta declaración, condenamos enérxica e inequivocamente a agresión israelí contra os palestinos en Xerusalén, así como os continuos bombardeos militares sobre Gaza que provocaron a morte de decenas de civís palestinos e feriron centos, entre eles nenose nenas.
A descarada violación do dereito internacional humanitario e do dereito internacional por parte de Israel mantense desde hai décadas, coa axuda e a complicidade das forzas imperialistas, e sen ningunha intervención significativa das institucións internacionais para poñer fin a estas violacións ou para condenalas.
Esiximos:
– O cesamento inmediato dos bombardeos e do asedio a Gaza;
– O fin dos ataques contra os palestinos que exercen os seus dereitos na mesquita da o Aqsa e os seus arredores e nos demais lugares sacros;
– O fin dos constantes ataques e intimidacións contra os residentes palestinos en Xerusalén Este por parte das autoridades israelís e os colonos, e en concreto os intentos destes últimos de desaloxar ás familias do barrio de SheikhJarrah, como parte da súa campaña continua de limpeza étnica.
Expresamos a nosa plena e inquebrantábel solidariedade coa xusta loita do pobo palestino para poñer fin á ocupación, e cara ao establecemento dun Estado independente, dentro das fronteiras recoñecidas tal e como estaban o 4 de xuño de 1967, con Xerusalén Este como capital; e o dereito ao retorno de todos os refuxiados palestinos de acordo coas resolucións da ONU.
Facemos un chamamento a todas as persoas progresistas e amantes da paz para que alcen a súa voz e se unan a este chamamento.
Asinan:
Partido Comunista de Albania, Partido Comunista de Alemaña, Partido Comunista de Australia, Partido do Traballo de Austria, Tribuna Democrática Progresista de Bahrein, Partido Comunista de Bangladesh, Partido dos Traballadores de Bélxica, Partido Comunista de Bélxica, Partido Comunista de Bohemia e Moravia, Partido Comunista Brasileiro, Partido Comunista do Brasil, Partido Comunista de Canadá, Comunistas de Cataluña, AKEL de Chipre, Partido Socialista dos Traballadores de Croacia, Partido Comunista de Cuba,Partido Comunista de Dinamarca, Partido Comunista dos Pobos de España, Partido Comunista dos Traballadores de España ( PCTE), Partido Comunista de Estados Unidos, Partido dos Comunistas de Estados Unidos, Partido Comunista de Filipinas [ PKP 1930], Partido Comunista Francés, Unión do Povo Galego, Partido Comunista de Gran Bretaña, Novo Partido Comunista de Gran Bretaña, Partido Comunista de Grecia, Partido Obreiro Húngaro, Partido Comunista da India [marxista], Partido Comunista da India, Partido Comunista de Iraq, Partido Tudeh de Irán, Partido Comunista de Irlanda, Partido dos Traballadores de Irlanda, Partido Comunista de Israel, Novo Partido Comunista de Iugoslavia, Movemento Socialista de Kasaquistán, Partido Comunista de Luxemburgo, Partido Comunista de Malta, Partido Comunista de México, Partido Comunista de Noruega, Partido Comunista de Paquistán, Partido Comunista de Palestina, Partido Popular Palestino, Partido Comunista Portugués, Partido Comunista Obreiro Ruso, Comunistas de Serbia, Partido Comunista de Siria, Partido Comunista Sirio [Unificado], Partido Comunista de Sri Lanka, Partido Comunista de Suazilandia, Partido Comunista de Sudán, Partido Comunista Surafricano, Partido Comunista de Turquía, Partido Comunista de Ucraína, Unión de Comunistas de Ucraína, Partido Comunista de Xordania.
