Entre os días 19 e 25 deste mes de xaneiro celébrase en Ha Noi o XIV Congreso Nacional do Partido Comunista do Vietnam, no que baixo o lema “Unidade – Democracia – Disciplina – Avance – Desenvolvemento”, 1.586 delegados e delegadas definirán o pensamento estratéxico, a visión e as grandes orientacións de política para o desenvolvemento do país nun mundo cada vez máis complexo, e elixirá o novo Comité Central
Read more
A Unión do Povo Galego condena o ataque militar imperialista perpetrado polos Estados Unidos contra a República Bolivariana de Venezuela, co bombardeo da súa capital e doutros lugares do país, e o secuestro do Presidente Nicolás Maduro.
Ao tempo queremos facer chegar o noso total apoio ao povo venezolano, ao que con esta agresión se pretende truncar o camiño para construír unha Venezuela plenamente Soberana na que os recursos sirvan para o benestar do seu povo.
Este ataque mostra, máis unha vez, que o imperialismo norteamericano, para conseguir os seus obxectivos, non ten problema en vulnerar a soberanía doutros estados, pasar por riba das institucións e do dereito internacional e empregar a forza militar, como fixeron esta madrugada contra Venezuela.
Os EUA con este ataque teñen un único obxectivo, o de apropiarse dos recursos enerxéticos e minerais de Venezuela, e para conseguilo precisan desmontar a institucionalidade construída polo proceso político bolivariano e impor un goberno títere e submiso aos seus intereses.
Diante da actual situación:
A Plataforma Ulloa Viva, a Plataforma en Defensa da Ría de Arousa e a Plataforma veciñal contra a Mina de Touro-O Pino convocan manifestación nacional para este domingo, 14 de decembro, en Santiago de Compostela en rexeitamento á macrocelulosa de Altri. Baixo o lema “Dende a Ulloa até o mar, polas que somos e polas que virán”, a mobilización sairá ás 12 horas dende a Alameda e rematará na Praza do Obradoiro.
Máis alá do anuncio do Goberno español de non incluír na Planificación Eléctrica 2025-2030 a liña eléctrica e a subestación necesarias para o Proxecto Gama e da negativa reiterada a que este proxecto poida recibir financiamento europeo, o Goberno do PP na Xunta teima no seu apoio institucional e na defensa pública dunha macrocelusosa que, a día de hoxe, constitúe o maior perigo ambiental para o noso país e suporía a morte da Ría de Arousa.
Hai que lembrar que o proxecto conta cunha DIA favorábel e malia o tempo transcorrido, Augas de Galiza non pechou aínda o expediente de solicitude de captación de auga no encoro de Portodemouros.
Así pois faise un chamamento, ao que como Partido nos sumamos, a repetir o éxito da manifestación de hai un ano, cando 100.000 persoas encheron Compostela ao berro de “Altri NON”. Faise este chamado a toda a sociedade galega porque cómpre seguir deslexitimando socialmente o proxecto de Altri, e demandar que dunha vez por todas a Xunta dea carpetazo definitivo á macrocelulosa.
Desde a UPG sempre nos opuxemos a este modelo de industria de enclave e depredación que representa Altri e defendemos un modelo e un aproveitamento radicalmente distinto dos recursos naturais de Galiza, para que revertan no noso propio país, que non poñan en risco aqueles sectores que proporcionan alimentos básicos a poboación, que apostan por un desenvolvemento industrial con base en criterios de estabilidade, sustentabilidade, de peche dos ciclos produtivos e que derive en beneficio do país todo o seu valor engadido.
Así pois insistimos no chamamento ao conxunto do pobo galego e a toda a nosa militancia e simpatizantes a participar e popularizar a manifestación nacional deste domingo 14 de decembro en Compostela. ALTRI NON!!!
A plataforma social Vía Galega leva tempo promovendo diversas campañas e iniciativas co obxectivo de divulgar e poñer en valor os símbolos nacionais galegos, especialmente o himno e a bandeira. Van xa cinco anos que se estableceu como Semana da Bandeira o período que coincide co aniversario da I Asemblea Nacionalista das Irmandades da Fala, celebrada os días 17 e 18 de novembro de 1918.
Este ano, coincidindo co 107º aniversario daquela histórica efeméride, Vía Galega mantén o seu compromiso de fortalecer e visibilizar os nosos símbolos nacionais. Por iso, durante esta semana, do 10 ao 15 de novembro, a plataforma anima a colocar bandeiras galegas nas vivendas e espazos públicos de toda Galiza, como mostra de orgullo e afirmación colectiva.
A campaña culminará o sábado 15 ás 12:00 horas con actos simultáneos en distintos puntos do país, nos que se izará a bandeira galega para que perdure no tempo. Os actos contarán con lectura de poemas como tema central arredor da bandeira da autoría de poetas como Ramón Cabanillas, Manuel María ou Marica Campo e actuacións musicais.
Ante a crecente españolización que vivimos é necesario impulsar campañas para divulgar o uso dos nosos símbolos, os únicos que nos identifican e recoñecen como pobo, que fortalecen a nosa conciencia e cohesión nacional e que axudan a contrarrestar a invasión da simboloxía española.
Por iso, facemos un chamamento á nosa militancia e ao conxunto do pobo galego en xeral a implicarse activamente nesta campaña de Vía Galega, contribuíndo así á defensa e visibilización dos nosos símbolos nacionais.
Diante da próxima votación na Organización das Nacións Unidas dunha nova resolución exixindo o fin do bloqueo económico, comercial e financeiro, ao que desde hai décadas os Estados Unidos someten a Cuba, a UPG reitera o seu apoio ao pobo cubano e exixe o fin do bloqueo.
Read more
As chaves do documento aprobado polo Comité Central da UPG
O Comité Central da Unión do Povo Galego (UPG) vén de aprobar en reunión plenaria un documento en que sintetiza as liñas de traballo e prioridades políticas da súa militancia para os próximos meses. O documento analiza a intensa conflitividade social e política, que se estende ao longo e largo da Galiza, que está a marcar a axenda política do País e debe ser tomada como prioridade nesta etapa e neste contexto.
Read more
A Coordenadora Galega de Solidariedade coa Palestina convoca este domingo día 5 manifestación nacional contra o xenocidio e a ocupación que sofre o pobo palestino. Son xa máis de 130 entidades e colectivos galegos que apoian a táboa reivindicativa e chaman a participar na manifestación nacional que sairá ás 12h da alameda de Compostela e rematará por encher a praza do Obradoiro de solidariedade, baixo o lema “Galiza con Palestina: 2 anos de xenocidio, 77 anos de ocupación”. Chamamos ao conxunto da militancia e do pobo galego a sumarse á maior mostra de solidariedade con Palestina. Paremos o xenocidio!
Read more
E este domingo 14 de setembro tamén ás 12h na Alameda de Compostela a Plataforma “Por un Monte Galego con Futuro” convoca unha manifestación baixo o lema “A política forestal da Xunta é quen nos queima! Por un monte galego con futuro. Lumes Nunca Máis”.
Read more
A UPG quere denunciar a actuación agresiva dos EUA en América Latina, actuación que vén a demostrar unha vez máis que para o imperialismo norteamericano a doutrina Monroe segue vixente, e segue a considerar América Latina o seu patio traseiro.
Read more
Neste ano 2025 cúmprense 50 anos do asasinato do noso camarada Moncho Reboiras pola policía española na cidade de Ferrol. É pos iso que as conmemoracións deste ano teñen unha especial relevancia para todas as persoas que durante todos estes anos lembramos a figura de Reboiras e que acreditamos na importancia histórica e ideolóxica do noso camarada asasinado.
Read more