Un acto político, no que tamén houbo lugar para as emocións, foi o formato utilizado para celebrar o cincuenta aniversario da UPG, que se cumpre este 25 de Xullo e que festexou no Pazo de Congresos de Compostela, ante perto de 1000 persoas entre militantes e simpatizantes. Ler máis →
Por cuestións de índole metereolóxica, o acto político e de confraternidade polo 50 aniversrio da UPG vaise realizar no Pazo de Congresos de Compostela a partir das 19:00 h. Desconvócase igualmente a onfrenda floral no Panteón dos Galegos Ilustres.
A Unión do Povo Galego, UPG, fará o próximo 25 de xullo, Día da Patria Galega, 50 anos de existencia ao servizo de Galiza e do povo galego. Con tal motivo realizarase un acto político e de confraternidade, para conmemorarmos tan simbólica data e preparármonos con novos azos para os retos que agardan ao movemento nacionalista galego. Ler máis →
Neste 2013 a Unión do Povo Galego vai homenaxear como todos os anos ao noso camarada Moncho Reboiras, asasinado en Ferrol o 12 de agosto de 1975. Os actos públicos convocados consistirán nunha ofrenda floral ás 19 horas no portal da rúa da Terra onde foi abatido e un acto político inmediatamente despois, ás 19:30 horas, na Alameda do Cantón. Desta volta para convocar os mesmos decidimos espallar por toda a Galiza a publicación da vida de Reboiras a través dun relato en Banda Deseñada que permitira un achegamento didáctico á contribución deste militante nacionalista á causa do país. O traballo, realizado grazas ao recoñecido ilustrador gráfico Tokio, está editado en formato papel e disponíbel tamén en dixital.
Ás 7 da tarde haberá unha concentración diante da Casa do Concello de Ferrol para saír cara o portal da rúa da Terra Ler máis →
A Unión do Povo Galego realizou unha Conferencia Nacional o pasado sábado, 19 de xaneiro de 2013. A Conferencia quería propiciar unha análise dentro do Partido sobre o momento actual do nacionalismo galego. Despois de que rematase a primeira fase de debate no seo do BNG -ao longo de decembro e primeiras semanas de xaneiro-, tamén quixemos contribuír colectivamente para o suceso dese proceso de reflexión que concluirá na próxima Asemblea Nacional.
A UPG celebrou o 17 de Xuño o seu XIII Congreso en Santiago de Compostela. Disponibilizamos agora as Teses finalmenten aprobadas, conxuntamente coas intervencións de apertura (Francisco Rodríguez) e de clausura (Néstor Rego), así como os Estatutos e o programa.
A historia dunha forza política como a Unión do Povo Galego, que nace e medra na clandestinidade, neste caso na oposición ao fascismo, é necesariamente unha historia de represión e sufrimento. Unha páxina destacada nesta crónica de loita e terror vai ser o reparto masivo de propaganda esixindo a liberdade para Galiza e a detención de varias ducias de galegos no Nadal de 1967. Sirvan estas letras para clarificar algúns dos feitos da vida do Partido, fuxindo da categoría de anécdota, agardando que contribúan a ir construíndo a historia do mesmo, tarefa até hoxe postergada, unhas veces polo recato, outras polo desleixo e as máis polo sectarismo de quen gozan co monopolio da sapiencia sobre o tema.
O 22 de abril celébrase o Día Internacional da Terra. Non é ese o motivo polo que hoxe publicamos na web o audivisual “Na defensa da terra”. Trátase dun video realizado en formato VHS pola Unión do Povo Galego en novembro de 1994, a partir de imaxes do arquivo da UPG e que foron filmadas en super 8 por Carlos Varela (1945-1980).
A Unión do Povo Galego ten determinado que a súa actividade pública sexa limitada, trasladando todo o protagonismo público á fronte patriótica da que participa, o Bloque Nacionalista Galego. Só as citas anuais que cada 12 de agosto nos levan a homenaxear ao noso camarada Moncho Reboiras, asasinado en 1975 en Ferrol, e os Congresos que convocamos periodicamente para actualizar as Teses e os órganos de dirección fan que UPG convoque aos medios de comunicación. Non podía actuar doutro xeito unha organización que desexa que todas as enerxías da familia nacionalista as dediquemos en espallar as ideas e a mensaxe do BNG.
Mais esa actitude é compatíbel con mostrar á sociedade galega o rico patrimonio teórico que a UPG foi acumulando ao longo do seu case medio século de existencia como Partido, onde a súa militancia participou en múltiples traballos para erguer –en colaboración con miles de patriotas- o actual movemento nacionalista galego. Esta pretensión é a que dá pé a ofrecer a partir de hoxe moita documentación –de interese xeral para a sociedade galega- do actuar da UPG desde a súa fundación formal en xullo de 1964.
Con motivo de cumprirse 35 anos do asasinato de Xosé Ramón Reboiras Noia o 12 de agosto do ano 1975 a mans da policía franquista no portal número 27 da rúa da Terra en Ferrol, a Unión do Povo Galego (partido integrado na fronte patriótica Bloque Nacionalista Galego), organización onde militaba Reboiras, prepararou un acto conmemorativo na súa lembranza do que damos conta e ao que te queremos convidar.
