Solidariedade co povo sudanés
Diante do recente golpe de estado no Sudán, e por iniciativa do Partido Comunista Surafricano, máis de corenta partidos comunistas de todo o mundo, entre eles a UPG, fixeron pública esta declaración conxunta.
Declaración conxunta: Solidariedade co povo sudanés e os comunistas na súa resistencia ao golpe militar!
Os partidos comunistas e operarios que asinan esta declaración conxunta maniféstana súa solidariedade co povo do Sudán e condenan rotundamente o golpe militar do luns, 25 de outubro de 2021 e apelan á restauración inmediata da orde constitucional que existía antes do golpe de estado do luns.
O Partido Comunista do Sudán cualificou os eventos desde o luns como un verdadeiro golpe de estado dos militares que actuaron unilateralmente para botar abaixo os órganos do Consello de Transición, violando o Documentos Constitucional mediante a revogación de sete artigos importantes do Documentos Constitucional por parte dos líderes do golpe.
Tamén disolveron sindicatos e organizacións populares e os líderes políticos e membros do goberno e un membro civil do Consello Soberano foron detidos.
O golpe pretende facer regresar o Sudán a un ponto antes da Revolución de Decembro que comezou o 19 de decembro de 2018. Trátase dun exercicio fútil que causará máis derramamento de sangue e máis sufrimento para o povo sudanés.
Os partidos asinantes desta declaración están seguros de que o povo sudanés non vai permitir que o golpe e a contrarrevolución teñan éxito. Os sectores mozos e populares da “Revolución de Decembro” continuarán a loitar por un Sudán mellor que goce de “Liberdade, Paz e Xustiza” (o slogan da Revolución que tamén foi o lema do 6º Congreso do Partido Comunista do Sudán realizado en 2016).
O povo do Sudán ten direito á soberanía democrática para determinar o seu propio futuro de forma libre, pacífica e independente.
Apoiamos a determinación do povo sudanés a unirse en protesto fronte á ofensiva dos militares. As accións dos militares reflicten o legado dos moitos anos do seu arraigamento e a historia das atrocidades cometidas coa súa complicidade activa contra o povo durante o cruento réxime ditatorial encabezado por Omar Al Bashir.
Declaramos a nosa solidariedade co povo do Sudán e co Partido Comunista do Sudán na súa loita pola unidade, a democracia e a emancipación social.
Asinantes:
Partido Comunista da Albania, Partido Comunista Alemán, Partido Comunista da Arxentina, Partido Comunista da Armenia, Tribuna Progresista Democrática – Bahrein, Partido do Traballo da Bélxica, Partido Comunista Británico (CPB), Partido Comunista do Canadá, Movemento Socialista do Casaquistán, Partido Socialista dos Traballadores da Croacia, AKEL (Chipre), Partido Comunista da Bohemia e Moravia, Partido Comunista da Dinamarca, Partido Comunista de España, Partido Comunista dos Estados Unidos, Partido Comunista Exipcio, Partido Comunista das Filipinas (PKP 1930), Partido Comunista da Finlandia, Partido Comunista Francés, Unión do Povo Galego, Partido Obreiro Húngaro, Partido Comunista da India, Partido Comunista da India (Marxista), Partido Tudeh do Irán, Partido Comunista Iraquiano, Partido Comunista da Irlanda, Partido dos Traballadores da Irlanda, Partido Comunista de Israel, Partido Comunista da Noruega, Partido Comunista do Paquistán, Partido do Povo Palestiniano, Partido Comunista Portugués, Partido Socialista Romeno, Comunistas da Serbia, Partido Comunista Sirio (Unificado), Partido Comunista do Sri Lanka, Partido Comunista da Suacilandia, Partido Comunista Surafricano, Partido Comunista do Sudán, Partido Comunista da Ucraína, Partido Comunista da Venezuela, Partido Comunista Unificado da Xeorxia, Partido Comunista Xordano
