1º de maio. Por unha saída galega xusta da crise

/in , /by

A CIG conmemora este ano o Primeiro de Maio, Día Internacional da Clase Traballadora, cun total de 16 manifestacións e concentracións –a central en Vigo-, en todas as cidades e en múltiples vilas da xeografía de galega baixo o lema “Por unha saída galega xusta da crise”. Un lema que, segundo explicou o secretario xeral, Paulo Carril, resume as principais demandas da central sindical para enfrontar a crise económica que viñamos padecendo, agudizada agora pola pandemia. Ler máis →

Saúdo ao 8º Congreso do Partido Comunista de Cuba

/in /by

Entre o 16 e o 19 de abril celébrase na cidade da Habana o 8º Congreso do Partido Comunista de Cuba. Baixo o lema “O Congreso da continuidade histórica da Revolución Cubana”, o PCC márcase como principais obxectivos actualizar a conceptualización do Modelo Económico e Social Cubano de Desenvolvemento Socialista,e avanzar no proceso de renovación das estruturas de dirección partidaria. Ler máis →

Manifestación nacional “Galiza Nación. Un Pobo con dereitos”

/in /by

Vía Galega, plataforma social en defensa dos dereitos nacionais de Galiza, convoca unha manifestación nacional que terá lugar o domingo, 18 de abril, baixo o lema “Galiza nación. Un pobo con dereitos”. Sairá ás 11.30 da Alameda compostelá e rematará na Praza da Quintana, observando todas as normas estabelecidas como consecuencia do COVID-19. Será a culminación da campaña que ao longo de seis meses Vía Galega estivo levando a cabo por todo o país. Ler máis →

33.000 sinaturas para unha canle infantil e xuvenil en galego na CRTVG

/in /by

A Mesa pola Normalización Lingüística entrega no Parlamento de Galiza máis de 33000 sinaturas en apoio da Proposición Non de Lei de Iniciativa Popular para instar ao goberno galego a tomar as medidas precisas para que a CRTVG aumente a oferta en galego destinada á infancia e á mocidade nas televisións públicas a través dunha canle “Xabarín”, con programación atractiva, actual, educativa e de produción galega dirixida ao público infantil e xuvenil e dispoñíbel en todas as plataformas dixitais, así como nunha App actualizada para todos os dispositivos e que conte ademais con programas e xogos. A iniciativa tamén insta tamén a que toda a programación televisiva, incluídas as plataformas e TVE, teñan versión en galego orixinal, dobrada ou lexendada.   Ler máis →

Diante das eleccións no Ecuador

/in /by

O vindeiro domingo celébrase a segunda volta das eleccións presidenciais no Ecuador, e tendo en conta a situación de tensión que se vive nese país desde o pasado mes de febreiro, cando se celebrou a primeira volta na que quedou en primeiro lugar a candidatura encabezada por Javier Arauz, non sería estraño que se volveran repetir actuacións desestabilizadoras que cuestionen o resultado electoral, caso de que este non responda aos deseños do imperialismo e un novo goberno volva situar o país a carón doutros da rexión que defenden a soberania e políticas favorábeis ás maiorías fronte ao neoliberalismo. Ler máis →

Condenamos a persecución do goberno turco contra o Partido Democrático dos Pobos-HDP

/in /by

Diante da información sobre a petición de ilegalización do Partido Democrático dos Pobos-HDP proposta pola fiscalía turca, e da detención nos últimos días de varias decenas de cargos públicos e dirixentes dese partido, queremos amosar publicamente o noso rexeitamento á actuación represiva do goberno turco, que vulnera os dereitos políticos dun partido que é o terceiro do estado turco e contou co apoio de oito millóns de votantes en 2018. A petición de ilegalización do HDP inclúe ademais a prohibición de que 687 dirixentes e cargos institucionais do HDP poidan realizar actividade política durante cinco anos. Ler máis →