Máis de 40 organizacións políticas, sindicais e sociais do noso país veñen de facer público un manifesto de apoio ao pobo palestino, denunciando a actitude do estado español e da Unión Europea, que coa súa inacción son cómplices da actuación xenocida do estado de Israel. Ler máis →
A CIG convoca para o vindeiro martes, día 15 de decembro, concentracións en 15 cidades e vilas de todo o territorio galego, dando así continuidade á campaña de concienciación e socialización que vén en demanda de políticas que permitan unha saída galega xusta da crise e para evitar un novo saqueo da clase traballadora. Ler máis →
Este xoves, día 10 de decembro, o pazo de Meirás pasará ao patrimonio público 82 anos despois, como consecuencia da execución provisional da sentenza do Xulgado de Primeira Instancia número 1 da Coruña que lles condenou á súa devolución. Ler máis →
Diante do proceso electoral que se desenvolverá en Venezuela o domingo día 6 de decembro para elixir unha nova Asemblea Nacional, a UPG quere manifestar o seu apoio ao povo venezolano que con toda seguridade dará un novo exemplo de civismo nun proceso electoral que é o número 25 desde 1998. Ler máis →
O portavoz do Bloque Nacionalista Galego no Congreso, Néstor Rego, defendeu o voto en contra do proxecto de Orzamentos Xerais do Estado para 2021 aprobado no Congreso, unhas contas “que castigan o noso País cunha baixada de 104 millóns de euros en relación aos orzamentos do PP de 2018” e salientou que “a firmeza nacionalista en defensa dos intereses dos galegos e galegas é fundamental para que nos próximos orzamentos non se repita esta discriminación”. Ler máis →
Denunciar a violencia contras as mulleres é importante sempre, – o 25N e os 365 días do ano-, porque está en xogo o benestar, o desenvolvemento persoal e as aspiracións da metade da poboación e porque está en xogo o dereito das mulleres a vivir a súa vida plenamente, en liberdade e como cada unha decida. Ler máis →
O pasado martes, cando participaban nunha mobilización en lembranza dunha importante mobilización en 1973 contra a ditadura fascista, militantes e dirixentes do Partido Comunista de Grecia foron brutalmente agredidos pola policía cun número importantes de manifestantes feridos e decenas de arrestados.
Transcribimos a nota de solidariedade enviada pola UPG AO KKE:
Ao Partido Comunista de Grecia
Camaradas:
Temos coñecemento do ataque inxustificado sufrido o 17 de novembro por militantes e dirixentes do seu partido, incluído o seu Secretario Xeral, con agresións e detencións cando participaban nunha mobilización conmemorativa dunha acción fundamental na loita do pobo grego contra o fascismo, o 47º aniversario da revolta no Politécnico.
Coa desculpa da pandemia tentan eliminar todas as disidencias e todos os actos reivindicativos, sabemos isto ben porque na Galiza as autoridades prohibiron varias mobilizacións de traballadores durante estes meses.
Transmitímoslles o noso apoio solidario e a nosa denuncia da brutal acción policial ordenada polo goberno da Nova Democracia, e animámolos a continuar firmes na loita.
Galiza; 19 de Novembro de 2020
Secretaría de Relacións Internacionais
Unión do Povo Galego-UPG
O BNG presentou emenda á totalidade dos OXE por seren claramente negativos e discriminatorios coa Galiza. Ler máis →
A actuación do exército marroquí onte día 13 de novembro contra civís saharauís supón un grave incumprimento dos acordos de paz, eleva a tensión entre os dous países e ataca directamente a integridade territorial da República Árabe Saharauí Democrática. Ler máis →
Ás 8 da tarde do luns a Mesa pola Normalización Lingüística encabezou unha manifestación virtual para reclamar ao presidente da Xunta que cumpra coas súas funcións e defenda a lingua de Galiza, sob o lema “Señor Feixoo: combata o coronavirus e non o galego”. Ler máis →
